İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 301 Hüküm no: 334 Orijinal metin no: [47a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe b. Mahmud’un, kiracısı olduğu Mehmed Emin b. Ahmed’in dükkânını yahliye etmesi gerektiği Gedik nizâ‘ı men‘ ve dükkândan ihrâc Ma‘rûz Derûn-ı arzuhâlde mezkûrü’l-ism Mehmed Emin b. Ahmed meclis-i şer‘-i münîrde sâhib-i arzuhâl Hasan Beşe b. Mahmud mahzarında Galata’ya muzâfe kasaba-i Tophane’de Çavuşbaşı sûkunda kâin ma‘lûmü’l-hudûd bi’l-îcâreteyn mutasarrıf olduğum bir bâb dükkânda merkūm Hasan Beşe müşâhereten müstecirim olmağla târih-i i‘lâm-ı şehri gāyetinde fesh-i akd-i îcâr etmemle dükkân-ı mezbûru ba‘de’t-tahliyye gāyet-i şehr-i mezbûrda bana teslîme merkūm Hasan Beşe’ye tenbîh olunmak murâdımdır deyü da‘vâ ol dahi cevâbında ber-vech-i muharrer dükkân-ı mezkûrda müşâhereten müsteciri olduğunu ikrâr lâkin ben ol dükkâna rağbet verip gedik i‘tibâr etmişdim öyle olucak dükkân-ı mezkûru ben zabt ederim deyip lâkin dükkân-ı mezkûrda ma‘dûd ve mu‘teber bâ-fermân-ı âlî mukayyed gedik olmamağla ber-mûceb-i fetvâ-yı şerîfe îrad eylediği kelâmına iltifât olunmayıp mûcebiyle dükkân-ı mezkûru târih-i i‘lâm-ı şehri gāyetinde ba‘de’t-tahliyye merkūm Mehmed Emin’e teslîme tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-12 min-S sene 1217