İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 307 Hüküm no: 342 Orijinal metin no: [48a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Paşa Mehmed’in, esnaf ihtiyarlarına itâat etmediğinden bıçakçı ve tığcı esnaflığından çıkarılması Esnâfdan ihrâc Ma‘rûz Âsitâne-i aliyyede vâki‘ bıçakçı ve tığcı esnâfının kethüdâsı İbrahim Usta ve yiğit başıları Osman Usta ve Hâfız Mustafa Usta ve es-Seyyid Mustafa Usta ve Halil Usta ve Molla Ahmed Usta ve Ahmed Usta ve Hasan Usta ve Osman Usta ve es-Seyyid Mehmed Usta ve Hüseyin Usta ve diğer Mustafa Usta vesâirleri meclis-i şer‘-i şerîf-i enverde esnâf-ı mezkûreden Paşa Mehmed nâm kimesne muvâcehesinde merkūm Paşalı Mehmed esnâfımızdan olup lâkin kendi halinde ırzıyla mukayyed ve kârıyla meşgūl olmayıp hadîdü’l-lisân ve bed-zebân olmağla kendiye nush u pend olundukda kabûl etmeyip esnâfımız ihtiyârlarına itâle ve hilâf-ı şer‘ hareket edip ol vechile kendiden emn ve rahatımız meslûbdur deyü merkūm Paşalı Mehmed’in muvâcehesinde sû-i hâlini ihbâr ve esnâf-ı mezkûreden ihrâcını istid‘â eyledikleri İstanbul Mahkemesi’nden huzûr-ı âlîlerine i‘lâm olundu. Fî-17 S sene [1]217