İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 325 Hüküm no: 366 Orijinal metin no: [52a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih b. Osman’ın, Burgucu esnafı nizamına uyacağını taahhüt etmesi Burgucu esnâfına dâir ta‘ahhüd i‘lâmı Ma‘rûz Âsitâne-i aliyyede vâki‘ burgucu esnâfının kethüdâları Mustafa ve esnâf-ı mezkûreden ve İsmail ve Ahmed ve Hasan Usta ve İbrahim ve Ahmed ve Hüseyin Usta ve Salih ve Mustafa Usta ve İbrahim Usta vesâirleri meclis-i şer‘-i enverde esnâf-ı mezkûreden derûn-ı arzuhâlde mezkûrü’l-ism Salih b. Osman mahzarında mezbûr Salih esnâfımızdan olup lâkin kalb ve redî burgu i‘mâl ve ibâdullâha bey‘ edip bi’d-defa‘ât tenbîh olundukda ısgā etmeyip ve bize itâ‘at etmemekle kıbel-i şer‘den tenbîh olunmak murâdımdır deyü işbu arzuhâlleriyle iştikâ ettiklerinde merkūm Salih istintak olundukda cevâbında külliyen inkârından mâ‘adâ fîmâ ba‘d kalb ve redî burgu işlemeyip esnâf-ı mezkûreye itâ‘at ve inkıyâd etmek üzere ta‘ahhüd eylediğinde esnâf-ı merkūme dahi şikâyetlerinden fâriğler oldukları İstanbul Mahkemesi’nden huzûr-ı âlîlerine i‘lâm olundu. Fî-2 min-Rebî‘ülevvel sene 1217