İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 338 Hüküm no: 383 Orijinal metin no: [54b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm bt. Hasan’ın, Mühtedî Osman’a borcunu ödemesi gerektiği 58 guruş üzerine sulh Ma‘rûz Sâhib-i arzuhâl Mühtedî Osman meclis-i şer‘-i münîrde derûn-ı arzuhâlde ismi mezkûre mu‘arrefetü’z-zât Ümmügülsüm bt. Hasan muvâcehesinde mezbûre Ümmügülsüm zimmetinde cihet-i karzdan elli guruş ve eşyâ-i ma‘lûme semeninden dahi yirmi sekiz guruş ki cem‘an altmış sekiz guruş alacak hakkım olmağla taleb ederim deyü tasaddî eylediğim da‘vâmdan bâ-tavassut-ı muslihîn merkūme Ümmügülsüm Hatun ile kat‘an li’n-nizâ‘ elli sekiz guruş üzerine ba‘de akdi’l-musâlahati ve’l-kabûl bedel-i sulh-i meblağ-ı mezkûrdan mâ‘adâsına müte‘allika da‘vâdan mezbûre Ümmügülsüm’ün zimmetini kabûlünü hâvi ba‘de’l-ibrâ ve’l-kabûl ibrâdan müstesnâ bedel-i sulh-ı mezkûr elli sekiz guruşu müdde‘î-i mezbûr Osman’a bi’t-taleb edâ ve teslîme mezbûre Ümmügülsüm’e tenbîh olunduğu İstanbul Mahkemesi’nden huzûr-ı âlîlerine i‘lâm olundu. Fî-11 Ra sene [1]217