İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 340 Hüküm no: 387 Orijinal metin no: [55a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çubukçu Yani v. Nikola’nın, Hüsrev Efendi vakfından icareli çubukçu dükkânını, kiracısı olduğu Fâtıma bt. Abdullah’a teslim etmesi gerektiği Dükkândan ihrâc Ma‘rûz İslâmbol’da Küçükayasofya Mahallesi’nde sâkine mu‘arrefetü’z-zât Fâtıma bt. Abdullah nâm Hatun Çarşamba günü arz odasında huzûr-ı hazret-i kāimmakām-ı âli-makāmda ma‘kūd meclis-i şer‘-i şerîf-i enverde arzuhâl eden Çubukçu Yani v. Nikola nâm zimmî muvâcehesinde merkūm Hüsrev Efendi vakfı musakkafâtından İstanbul’da batpazarı kurbünde kalpakçılar civârında vâki‘ bi’l-îcâreteyn mutasarrıfe olduğum ma‘lûmü’l-hudûd fi’l-asl peştemalci el-yevm çubukçu dükkânımda mersûm Yani zimmî müşâhereten müstecirim iken şehr-i sâbık Saferi’l-hayr gāyetinde fesh-i akd-i îcâr etmemle dükkân-ı mezkûru ba‘de’t-tahliyye bana teslîme mersûm Yani zimmîye tenbîh olunmak murâdımdır deyü da‘vâ ettikde ol dahi cevâbında ikrâr u i‘tirâf etmekle mûcebiyle dükkân-ı mezbûru ba‘de’t-tahliyye müdde‘iye-i mezbûre Fâtıma Hatun’a teslîme mersûm Yani zimmîye tenbîh olunduğu huzûr-ı âlîlerine i‘lâm olundu. Fî-13 min Ra sene [1]217