İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 345 Hüküm no: 394 Orijinal metin no: [56b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Mustafa b. Mahmud’un oğlu ve vârisi Mahmud’un, Hatice bt. Abdullah aleyhine açtığı davanın reddedildiği Esir pazarında oda nizâ‘ı mu‘ârazadan men‘ Ma‘rûz Mübârek rikāb-ı kamer-tâb-ı hüsrevânîye takdîm olunan arzuhâlde mezkûr müteveffâ Molla Mustafa b. Mahmud’un sulbî kebîr oğlu Mahmud Çarşamba günü arz odasında huzûr-ı hazret-i kāimmakām-ı âli-makāmda nezâret-i hazret-i Şeyhülislâmî’de âsûde evkāf müfettişi mevâlî-i izâmdan Faziletlü Mehmed Suedâ Beyefendi ile akd olunan meclis-i şer‘-i enverde zikri âtî bir bâb odaya vaz‘-ı yedi mütehakkık olan mu‘arrefetü’z-zât Hatice bt. Abdullah nâm Hatun mahzarında nezâret-i hazret-i müşârun-ileyhde âsûde evkāfdan İstanbul’da esir pazarında kâin sağ tarafında üçüncü ma‘lûmü’l-hudûd bir bâb odaya mezbûre Hatice Hatun bi’l-îcâreteyn mutasarrıfe iken oda-i mezkûrun nısfı bin iki yüz on üç senesi halinde babam müteveffâ-i mezbûre hayatında iken re’y-i mütevellî munzam olmaksızın fâriğa olup henüz mütevellî-i vakf-ı mezbûr babam merkūmun ferağına izin ve üzerine tahrîr ve temhîr etmeksizin babam mezbûr fevt oldukda mezbûre Hatice Hatun oda-i mezkûreyi müstakilleten zabt edip lâkin mücerred vech-i meşrûh üzere fâriğa olduğuna binâen nısf oda-i mezkûre benim ile karındaşım işbu hâzır bi’l-meclis sagīr Mustafa’ya intikāl etmiş olmağla öyle olucak nısf hisse-i mezkûreden mezbûre Hatice Hatun’un keff-i yedi murâdımdır deyü takrîr-i meşrûhu üzere mütevellî ferağı munzam olmadığını mu‘terif iken bu mertebe ile tasaddî eylediği da‘vâsı meşrû‘a olmayıp kelâmına iltifât olunmamağla bî-vech mu‘ârazadan men‘ olunduğu huzûr-ı âlîlerine i‘lâm olundu. Fî-gurre min Ra sene [1]217