İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 352 Hüküm no: 403 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anaze bt. Yani’nin, Hristo v. Apostol’daki eşyalarını talep ettiği Eşyâdan men‘ Ma‘rûz Mu‘arrefetü’ş-şahs Anaze bt. Yani nâm Nasrâniye meclis-i şer‘-i enverde Panayot v. Yorgi nâm zimmî muvâcehesinde işbu hâzır bi’l-meclis Hristo v. Apostol zimmî târih-i i‘lâmdan üç ay mukaddem seni âyînimiz üzere tezevvüc ederim deyü malımdan beş yüz guruş kıymetli bir döşek ve bir yastık yüzü ve bir minder ve bir mak‘ad ve on iki çatal bıçak ve altı kaşık ve dört makreme ve bir bardak ve bir tuzluk ve bir sim hac ve üç penbezâr gömlek ve dört bez gömlek ve iki çevre ve bir yağlık ve yedi çift çorab ve dört akçe kîsesi ve bir mercan tesbîh ve bir yakut yüzük taşı ve bir kafes ve bir çift nalın ile iki miskāl altın ve yirmi İslâmbol altınımı ahz etmekle eşyâ-i mezkûreyi hâzır-ı mersûm Hristo zimmîden hâlâ Yeniköy nâibi efendi huzûrunda da‘vâ etmişken nâib-i merkūm ber-vech-i muharrer eylediğim da‘vâmı mersûm Panayot zimmî üzerine i‘lâm edip lâkin benim eşyâ-i muharrere-i mezkûreye müte‘allika mersûm Panayot zimmî ile asla da‘vâ ve nizâ‘ım olmamağla husûs-ı mezkûra müte‘allika âmme-i da‘vâdan mersûm Panayot zimmînin zimmetini kabûlünü hâvi ibrâ ve iskāt eyledim deyü ikrâr u i‘tirâfını mersûm Panayot zimmî tasdîk eylediği İslâmbol Mahkemesi’nden huzûr-ı âlîlerine i‘lâm olundu. Fî-5 min Ra sene 1217