İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 356 Hüküm no: 409 Orijinal metin no: [58b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm bt. Hasan’ın, Ayşe Hatun bt. Mehmed’e borcunu ödemesi gerektiği 50 guruşa sulh Bâ‘isetü’l-i‘lâm mu‘arrefetü’z-zât Âişe Hatun bt. Mehmed meclis-i şer‘-i münîrde kezâlik mu‘arrefetü’z-zât Ümmügülsüm bt. Hasan nâm Hatun muvâcehesinde mezbûre Ümmügülsüm Hatuna cihet-i karzdan zimmetinde deynim olan kırk beş guruş mukābelesinde mecmû‘u iki yüz elli guruş kıymetli sim şeridli sûzenî işleme bir anteri ve bir destâr pûşîdesi ve bir simli fota ve bir işleme peşkir ve bir ta‘âm makremesi rehin vaz‘ ve teslîm ol dahi irtihân ve kabz etmişdi el-hâletü hâzihî edâ-yı deyn ile fekk-i rehn murâd ederim deyü tasaddî eylediğim da‘vâmdan bâ-tavassut-ı muslihîn mezbûr Ümmügülsüm Hatun ile an inkâr kat‘an li’n-nizâ‘ elli guruş üzerine ba‘de’s-sulh ve’l-kabûl bedel-i sulh-ı mezkûrdan mâ‘adâ zikr olunan rehâna müte‘allika âmme-i da‘vâdan mezbûre Ümmügülsüm Hatun’un zimmetini kabûlünü hâvi ibrâ-yı âm ile ibrâ ve iskāt eyledim deyü ba‘de’l-ikrâr ve’t-tasdîk ibrâdan müstesnâ bedel-i sulh-i merkūm elli guruşu müdde‘iye-i mezbûre Âişe Hatun’a bi’t-taleb edâ ve teslîme mezbûre Ümmügülsüm Hatun’a tenbîh olunduğu İslâmbol Mahkemesi’nden huzûr-ı âlîlerine i‘lâm olundu. El-emru hazreti men lehu’l-emr Fî-selh-i Rebî‘ülevvel sene 1217