İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 361 Hüküm no: 415 Orijinal metin no: [59b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ali’nin Timurtaş Vakfı’ndan icareli arsayı kardeşi Şerife Nimetullah Hatun’a sattığı 1156,5 guruşa arsa mübâya‘ası Ma‘rûz Sâhib-i arzuhâl es-Seyyid Mustafa b. Ayineci el-Hâc Ali meclis-i şer‘-i münîrde li-ebeveyn karındaşı derûn-ı arzuhâlde ismi mezkûre mu‘arrefetü’z-zât Şerîfe Nimetullah Hatun mahzarında ashâb-ı hayrâtdan merkūm el-Hâc Timurtaş Vakfı musakkafâtından olup babamız mezbûrdan müntakil bi’l-îcâreteyn ale’l-iştirâk mutasarrıflar olduğumuz İstanbul’da Yavaşca Şahin Mahallesi’nde vâki‘ ma‘lûmü’l-hudûd bir bâb muhterik menzil arsası kābil-i taksîm olup cânib-i vakfa muzır olmamağla bâ-re’y-i mütevellî arsa-yı mezkûre taksîm olunmak murâdımdır deyü mütevellî-i vakf hâzır olduğu hâlde da‘vâ sadedinde olmuşdum el-hâletü hâzihi ben arsa-yı mezkûreden nısf hissemi bâ-re’y-i mütevellî kız karındaşım mezbûre Şerîfe Nimetullah Hatun’a bin yüz elli altı buçuk guruş bedel mukābelesinde ferağa ta‘ahhüd eylediğimde ol dahi ber-vech-i muharrer bâ-re’y-i mütevellî tefevvüze râzı olup bir vechile kat‘-ı nizâ‘ eyledikleri İstanbul Mahkemesi’nden huzûr-ı âlîlerine i‘lâm olundu. Fî-8 min R sene [1]217