İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 371 Hüküm no: 429 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Papuççu Kerupa v. Menas’ın, Bakkal Dimitri v. İstavri’ye sattığı manav dükkânı gediğini geri almak istediği davasının kabul edilmediği Gedik nizâ‘ı men‘ Ma‘rûz Papuççu Kerupa v. Menas nâm zimmî meclis-i şer‘-i enverde bâ‘is-i i‘lâm Bakkāl Dimitri v. İstavri nâm zimmî muvâcehesinde mersûm Dimitri zimmî İslâmbol’da Fenerkapısı dâhilinde Abdisubaşı Mahallesinde kâin ma‘lûmü’l-hudûd bir bâb manav dükkânı derûnunda mevcûde beyne’l-esnâf gedik tâ‘bir olunur âlât-ı lâzıme-i ma‘lûmeden yedinde olan nısf-ı âlât-ı lâzımesini tarefeynden bi’l-icâb ve’l-kabûl sene-i sâbıkā Recebinin yirminci günü bilâ-tağrîr bana def‘ ve teslîm ben dahi ba‘de’l-iştirâ tağrîr-i gabnından dahi bâyi‘-i mersûmun zimmetini ibrâ etmişdim lâkin âlât-ı mezkûrenin semen-i misli elli guruş olup gabnı fâhiş olmağla bey-i mezkûru fesh-i akd [med]fû‘um olan semen-i mezkûru bana red ve teslîme mersûm Dimitri zimmîye cebr olunsun deyü takrîr-i meşrûhu üzere tasaddî eylediği da‘vâsı meşrû‘a olmamağla kelâmına iltifât olunmadığı İslâmbol Mahkemesi’nden huzûr-ı âlîlerine i‘lâm olundu. Fî-5 Ca sene [1]217