İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 390 Hüküm no: 456 Orijinal metin no: [65b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balkapanı tüccarlarının, Seyyid İsmail b. Hüseyin’deki alacaklarının bir kısmını aldıkları, kalanını rızalarıyla ibrâ ettikleri Bâ-i‘lâm-ı şer‘î 1.300 guruşdan meccânen ibrâ Ma‘rûz İstanbul Balkapanı tüccârından Mehmed Emin Ağa ve Kādızâde el-Hâc Mehmed Ağa ve Salih Ağa ve Ömer ve el-Hâc Mahmud ve es-Seyyid el-Hâc Hasan ve Mehmed Yazıcı ve Ali ve Ahmed ve Kasab Mustafa ve es-Seyyid el-Hâc Salih ve el-Hâc Hüseyin ve es-Seyyid el-Hâc Mehmed ve Silistreli Hâfız Mehmed’den her biri meclis-i şer‘-i enverde kapan-ı mezbûrda nâzır olup bundan akdem azl olunan bâ‘isü’l-i‘lâm es-Seyyid İsmail b. es-Seyyid Hüseyin mahzarında işbu yedimizde olup târih-i i‘lâm senesi Rebî‘ülevvelinin on üçüncü günüyle muvarrah bir kıt‘a i‘lâm-ı şer‘î nâtık olduğu üzere merkūm İsmail zimmetinde mahkûmun-bih alacağımız olan iki bin üç yüz guruşun bin guruşunu bize def‘ ve teslîm biz dahi ba‘de’l-ahz ve’l-kabz ziyâdesi olan bin üç yüz guruşdan rızâmızla meccânen fâriğler olup meblağ-ı mezbûr bin üç yüz guruşa müte‘allika âmme-i da‘vâdan mezbûr es-Seyyid İsmail’in zimmetini ibrâ-yı âmm-ı sahîh-i şer‘î ile ibrâ ve iskāt eylediğimizde ol dahi bize medfû‘u olan meblağ-ı mezkûr bin guruşun istirdâdına müte‘allika âmme-i da‘vâdan cebr ve kerhden âri bizim ve bi’l-cümle Âsitâne-i aliyye kapanı tüccârı olan ma‘lûmü’l-esâmî ve mahsûrü’l-eşhâs kimesnelerden her birinin zimmetlerimizi ibrâ-yı âmm-ı sahîh-i şer‘î ile ibrâ ve iskāt ve tarefeynden her birimiz âharın ber-vech-i muharrer ibrâsını kabûl eyledik deyü makrûn-ı merkūmûnun sâdır olan bi’l-cümle takrîrlerini merkūm es-Seyyid İsmail tâbik-i tasdîk eylediği İstanbul Mahkemesi’nden huzûr-ı âlîlerine i‘lâm olundu. Fî-5 min-C sene [1]217