İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 406 Hüküm no: 473 Orijinal metin no: [68b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Angeli zımmi’nin Kazzaz esnaflığından çıkarıldığı Kazzâz esnâfından ihrâc Ma‘rûz Âsitâne-i aliyye ve tevâbi‘inde vâki‘ kazzâz esnâfının kethüdâsı el-Hâc Mehmed Ağa ve bürüncükcüler kethüdâsı Mehmed Ağa ve dolabcılar kethüdâsı vekîli Ahmed Efendi ve Seyyid Ağa ve kazzâz esnâfının müsin ve ihtiyârlarından Asadar ve Panço ve Afna ve Karabet ve Kigork ve Manol ve Panato ve Artin vesâirleri meclis-i şer‘de her biri takrîr-i kelâm edip gāib ani’l-meclis Angeli zimmî kazzâzlıkta alâkası yok iken Âsitâne-i aliyyede kalpakçılar içinde daracık kazzâz tâ‘bir olunur mahalde hufyeten bundan akdem bir dükkân küşâd ve kab ve redî kazzâz metâ‘ını ibâdullâha bey‘le rahnedâr ve bi’d-defa‘ât kendiye tenbîh olundukda bize itâ‘at etmediğinden mâ‘adâ itâle edip ol vechile şürût-ı nizâmımızın ihtilâline bâ‘is ve bâdi olur harekâta dâimâ cesâret etmekle kendi ile terâfu‘ murâd eylediğimizde firâr etmekle gāib-i mersûm Angeli zimmî fîmâ ba‘d kazzâz metâ‘ına karışmayıp kesb-i âhara meşgūl ile san‘at-ı mezkûreden ihrâc buyrulması murâdımızdır deyü gāib-i mersûm vech-i meşrûh üzere sû-i hâlini ihbâr ve esnâf-ı mezkûreden hurûcunu her biri istid‘â eyledikleri İstanbul Mahkemesi’nden huzûr-ı âlîlerine i‘lâm olundu. Fî-26 min C sene [1]217