İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 413 Hüküm no: 482 Orijinal metin no: [70a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mustafa’nın Galata’daki tütüncü gediğini başka bir mahalle nakletmesi Galata’da tütüncü gediği nakli Ma‘rûz Hâmiş-i arzuhâlde mastûr derkenâr nâtık olduğu üzere Galata’da Yenicâmi‘-i şerîf kurbünde yemeniciler içinde Tütüncü el-Hâc Yahya dükkânı demekle ma‘rûf bir bâb tütüncü dükkânı gediğine mutasarrıf olup sâhib-i gedik olduğu tütüncüler kethüdâsı İbrahim Ağa ve esnâfdan sâir mazbûtü’l-esâmî Müslimîn ihbârlarıyla zâhir olan Ali b. Mustafa nâm kimesne meclis-i şer‘-i hatîrde takrîr-i kelâm edip zikr olunan tütüncü gediği Ma‘den Kaleminde mukayyed mu‘teber gediklerden olup ve ben mârru’z--zikr gedik âlâtına bâ-sened mâlik olup lâkin dükkân-ı mezkûrun sâhibi kendiye lüzûmu olduğuna binâen dükkân-ı merkūmu tahvîl edip âhar akar binâ etmekle benim gediğim mu‘attal kalmağla sâlifü’z-zikr gedik bir kimesneye zararı olmamak üzere kurb ve civârında arab çarşısında camcı dükkânı ittisâlinde kâin kimesnenin gediği olmamak üzere tedârik eylediğim dükkâna nakl eylemek murâdımdır dedikde hakīkat-i hâl merkūm Ali’nin takrîri üzere olup bu misillü mu‘attal kalan gedik ashâbı kurb ve civârına naklolunması şürûtundan idüğü kethüdâ-yı mezbûr ve sâir erbâb-ı vukūf haber vermeleriyle vech-i meşrûh üzere naklolunması için emr-i âlîleri sudûrunu istid‘â eylediği İstanbul Mahkemesi’nden huzûr-ı âlîlerine i‘lâm olundu. Fî-10 Receb sene [1]217