İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 418 Hüküm no: 487 Orijinal metin no: [71a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Çavuş b. Hasan’ın, alacak davasında Turşucuoğlu Begos v. Hampar’ın zimmetini ibra ettiği 150 guruşa sulh Ma‘rûz Dîvân-ı âlî çavuşlarından bölükbaşı çırağı Ali Çavuş b. Hasan meclis-i münîrde Turşucuoğlu Begos v. Hamparsun nâm zimmî muvâcehesinde mersûm Begos zimmetinde bâ-temessük cihet-i karzdan iki yüz yirmi iki buçuk guruş alacak hakkım olmağla taleb ederim deyü tasaddî eylediğim da‘vâmdan bâ-vesâtet-ı muslihîn bi’t-tav‘ ve’r-rızâ mesfûr Begos zimmî ile yüz elli guruş bedel-i medfû‘ ve makbûza ba‘de akdi’l-musâlahati ve’l-kabûl mâ‘adâya vesâir beynimizde cereyân eden cemî‘-i hukūk-ı şer‘iyye müte‘allika âmme-i de‘avîden mesfûrun zimmetini kabûlü hâvi ibrâ ve iskāt eyledim deyü ikrâr ve tasdîkleri İstanbul mahkemesinde tescîl ve mübâşirleri Mehter İbrahim kulları yediyle huzûr-ı âlîlerine i‘lâm olundu. Fî-12 min-Receb sene [1]217