İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 439 Hüküm no: 512 Orijinal metin no: [75a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acı Manok v. Delot’un, karısı Saltana bt. Manil’in mehri müeccelini ödeyerek boşandıkları Kefere tatlîki 6.000 akçe mehrini teslîm Ma‘rûz İstanbul hısnı ebvâbından Samatyakapısı hâricinde mütemekkine ve şahsı es-Seyyid Mehmed Çelebi b. Ebabekir ve Berber Mustafa Beşe b. Mahmud ta‘rîfleriyle mu‘arrefe olan Saltana bt. Manil Nasrâniye meclis-i şer‘-i hatîrde zevc-i mutallakı çilingir tâifesinden Acı Manok v. Delot nâm zimmî tarafından ber-vech-i âtî tatlîkini ikrâra vekîl olduğu muarrifân-ı mezbûrân şehâdetleriyle sâbit olan Yoseb v. Bağdisiyar zimmî muvâcehesinde müvekkil-i mersûm Acı Manok zimmî altı bin akçe mehr-i müeccel tesmiyesiyle zevc-i dâhilim olup târih-i i‘lâmdan yedi gün mukaddem beni talâk-ı selâse ile tatlîk etmekle zimmetinde mütekarrir ve ma‘kūdun aleyh olan mehr-i mezkûrumu müvekkil-i mersûmdan hâlâ taleb ederim deyü da‘vâ vekîl-i mesfûr dahi cevâbında müvekkili mersûmun ol mikdâr mehr-i müeccel tesmiyesiyle zevc-i medhûlün-bihâsı olan müdde‘iye-i mesfûreyi târih-i merkūmda vech-i meşrûh üzere talâk-ı selâse ile tatlîkini bi’l-vekâle ikrâr ve tasdîk ve mehr-i müeccel-i mezkûr altı bin akçeyi huzûr-ı şer‘de tamamen def‘ ve teslîm ol dahi ahz u kabz eylediği İstanbul mahkemesinde ba‘de’t-tescîl huzûr-ı âlîlerine i‘lâm olundu. Fî-3 Ş sene [1]217