İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 445 Hüküm no: 518 Orijinal metin no: [76a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Ağa b. Ömer’in, Ayşe bt. Mehmed’e olan borcunu ödemesi gerektiği 1.000 guruş edâya tenbîh Ma‘rûz Galata muzâfâtından kasaba-i Tophane’de İlyas Çelebi Mahallesinde sâkine Âişe bt. el-Hâc Mehmed b. Abdullah nâm hatunun oğlu ve tarafından ber-vech-i âtî taleb ve da‘vâ ve ahz ve kabza vekîl olduğu zâtını ârifân Ali Ağa b. Salih ve Ahmed Ağa b. Abdullah şehâdetleriyle sâbit olan eş-Şeyh Fettâh Efendi b. el-Hâc Mustafa meclis-i şer‘-i münîrde kâğıtçılar kethüdâsı Osman Ağa b. el-Hâc Ömer mahzarında müvekkilem vâlidem mezbûrenin mezbûr Osman zimmetinde bâ-temessük cihet-i karzdan bin guruş hakkı olmağla meblağ-ı merkūmu mezbûr Osman Ağa’dan bi’l-vekâle taleb ederim deyü da‘vâ ol dahi ber-vech-i muharrer bi-tamâmihî tâyi‘an ve kat‘iyyen ikrâr u i‘tirâf etmeğin alâ-mûceb-i ikrârihi meblağ-ı mezbûr bin guruşu müvekkile-i merkūme için müdde‘î-i vekîl-i mezbûra edâsıyla mezbûr Osman Ağa ilzâm olunduğu İstanbul Mahkemesi’nden huzûr-ı âlîlerine i‘lâm olundu. Fî-5 Receb sene [1]217