İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 446 Hüküm no: 519 Orijinal metin no: [76a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Abdullah’ın, Süleyman, Çukadâr Deli Halil ve Seyyid Ali aleyhine açtığı altın davasının reddedildiği Ecnâs altın da‘vâsı meşrû‘a olmayıp mu‘ârazadan men‘ Ma‘rûz İstanbul’da Kundakçılar Mahallesinde sâkinler sâhib-i arzuhâl Mustafa b. Abdullah nâm kimesne Çarşamba günü dîvân-ı âsaf-nazîrlerinde akd olunan meclis-i şer‘-i münîrde Kundakçı Süleyman b. Ali ve Çukadâr Deli Halil b. İbrahim ve es-Seyyid Ali b. es-Seyyid Mehmed ve Kutucu Mustafa b. Mehmed ve Kundakçı İmâmı Şuayb Efendi b. Hasan nâm kimesneler mahzarlarında merkūmûndan her biri bundan akdem lede’l-iştikâ beni habsettirmeleriyle mahbûsda olduğum hâlde târih-i i‘lâmdan beş gün mukaddem mahalle-i mezbûrede vâki‘ menzilimde sandık derûnunda mevcûd malım olan iki yüz elli dört aded fındık altını ve yüz seksen aded rub‘iyye ve üç yüz yirmi aded zer-i mahbûb altınım sirka olunmağla mücerred merkūmûnun iştikâlarıyla mahbûs olduğum hâlde sirka olunduğuna binâen meblağ-ı mecmû‘-ı mezkûru merkūmun bana zâmin olsunlar veyâhud sâriki bulup bana versinler deyü takrîr-i meşrûhu üzere tasaddî eylediği da‘vâsı meşrû‘a olmamağla kelâmına iltifât olunmadığı huzûr-ı âlîlerine i‘lâm olundu. Fî-29 min C sene [1]217