İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 493 Hüküm no: 580 Orijinal metin no: [86b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hatun’un, mütevellî Ahmed Ağa huzurunda, zevcân-ı merkumanın zimmetlerini ibrâ ettiği Vakıf menzil fekk-i rehin Ma‘rûz Derûn-ı i‘lâmda mezkûratü’l-ism mu‘arrefetü’z-zât Ümmügülsüm Hatun meclis-i şer‘-i şerîfde zevcân-ı mezbûrân muvâcehesinde vakf-ı merkūm mütevellîsi Ahmed Ağa hâzır olduğu hâlde i‘lâm-ı evvel derûnunda tafsîl olunduğu üzere zevcân-ı merkūmân zimmetlerinde mahkûmun-bih hakkım olan yüz elli guruşu işbu meclis-i şer‘de bana edâ ve teslîm ben dahi yedlerinden tamamen ahz u istîfâ edip menzil-i mezkûru bâ-re’y-i mütevellî zevcân-ı merkūmâna fâriğa oldum ba‘de’l-yevm zevcân-ı mezbûrân zimmetlerinde onların dahi benim zimmetimde bir akçe ve bir habbe hakkımız ve alacağımız kalmayıp bi’l-cümle beynimizde cereyân eden hukūk-ı şer‘iyyeye müte‘allika âmme-i de‘avîden her birimiz âharın zimmetini kabûlü hâvi ibrâ ve iskāt eyledik deyü ikrâr ve tasdîkleri İstanbul mahkemesinde tescîl ve huzûr-ı âlîlerine i‘lâm olundu. Fî-4 min-Zilka‘deti’ş-şerîfe sene [1]217