İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 501 Hüküm no: 589 Orijinal metin no: [88a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Efendi b. Ahmed’in, kefilliğinden dolayı Malkon v. Artin aleyhine açtığı alacak davasında muarazadan men edildiği 500 guruş tahlîfle mu‘ârazadan men‘ Ma‘rûz İstanbul’da Şehremini kurbünde Mimar Acem Mahallesinde sâkin Koru ağasızâde es-Seyyid Süleyman Efendi b. Ahmed meclis-i şer‘-i münîrde habbâz tâifesinden Çarşambapazarlı Malkon v. Artin nâm zimmî muvâcehesinde mârru’z--zikr Şehremini nâm mahalde Vâlide Sultan fırını nâm-ı diğer has fırın ekmekçisi gāib ani’l-meclis Avanes v. Kazer nâm zimmî zimmetinde bin iki yüz on dört senesi Rebî‘ülevvelinin on birinci günü târihiyle muvarrah bir kıt‘a temessük mantûkunca cihet-i karzdan hakkım olan beş yüz guruşa işbu mesfûr Malkon zimmî tarefeynden bi’l-emr ve’l-kabûl kefâlet-i mutlaka-yı sahîha kefîl ve zâmin olmağla kefâletine binâen meblağ-ı mezbûru mesfûr Malkon zimmîden taleb ederim deyü ba‘de’d-da‘vâ ve’l-inkâr müdde‘î-i merkūm ber-vech-i muharrer müdde‘âsına ikāmet-i beyyine edemeyip bi’t-taleb mesfûr Malkon zimmî vech-i vecih-i şer‘î üzere tahlîf olunmağın mûcebince müdde‘î-i mezbûr es-Seyyid Süleyman Efendi kefâlet-i mezkûre da‘vâsıyla mersûm Malkon zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-min Za sene [1]217