İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 504 Hüküm no: 593 Orijinal metin no: [88b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İbrahim b. Ahmed’in, Bakkal Osman b. Hüseyin’e olan borcunu kefaletlerinden dolayı Hüseyin Çelebi ve Kahveci İsmail’in ödemesi gerektiği 700 guruş kefâletlerine binâen hüküm Ma‘rûz Bakkāl el-Hâc Osman b. Hüseyin nâm kimesne meclis-i şer‘-i münîrde es-Seyyid İbrahim b. es-Seyyid el-Hâc Ahmed hâzır olduğu hâlde es-Seyyid Hüseyin Çelebi b. es-Seyyid Mehmed ve Kahveci es-Seyyid İsmail b. es-Seyyid Yahya nâm kimesneler muvâcehelerinde benim hâzır-ı mezbûr es-Seyyid İbrahim zimmetinde cihet-i karzdan hakkım olan yedi yüz guruşa tarefeynden bi’l-emr ve’l-kabûl kefâlet-i mutlaka-yı sahîha-i şer‘iyye ile işbu mezbûrân es-Seyyid Hüseyin Çelebi ve es-Seyyid İsmail ma‘an kefîl ve zâmin olmalarıyla meblağ-ı merkūmu kefâletlerine binâen mezbûrândan hâlâ taleb ederim deyü hâzır-ı mezbûrun tasdîkiyle da‘vâ ettikde onlar dahi cevâblarında meblağ-ı mezbûra ber-vech-i muharrer ma‘an kefîl ve zâmin olduklarını ikrâr u i‘tirâf etmeleriyle alâ-mûceb-i i‘tirâfihimâ meblağ-ı mekfûlün-bih-i mezkûr yedi yüz guruşu kefâletlerine binâen müdde‘î-i merkūm el-Hâc Osman’a ma‘an edâsıyla mezbûrân es-Seyyid Hüseyin Çelebi ve es-Seyyid İsmail ilzâm olundukları İstanbul Mahkemesi’nden huzûr-ı âlîlerine i‘lâm olundu. Fî-8 Za sene [1]217