.:: İstanbul Kadı Sicilleri ::.


İstanbul Mahkemesi 78 Numaralı Sicil (H. 1216-1217 / M. 1801-1803)
cilt: 82, sayfa: 509
Hüküm no: 599
Orijinal metin no: [89b-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Kerkük kazasındaki zaviyenin mütevellîsi Seyyid Veliyüddin’in vefâtıyla tevliyetin yarısının oğlu Seyyid Mehmed’e, diğer yarısının da Seyyid Ahmed’e verilmesi talebi

Tevcîh-i zâviye berâtı istid‘âsı

Ma‘rûz

Sâdır olan fermân-ı âlîlerine imtisâlen arzuhâl ve derkenâra nazar olundukda Kerkük kazâsında vâki‘ Selbarto? zâviyesi vakfı mülhakātından Ali Abad suyuyla pelik suyunun nısf hisselerine mutasarrıf olan es-Seyyid Veliyüddin b. es-Seyyid Hamza b. es-Seyyid Abdülkerim fevt olup ve işbu sâhib-i arzuhâl es-Seyyid Mehmed müteveffâ-i merkūmun sulbî sahîh oğlu olduğunu ve zâviye-i merkūmede sâkin diğer sulbî oğlu es-Seyyid Ahmed dahi hayatında ve mevcûd olduğunu kazâ-i merkūm ahâlîsinden olup Âsitâne-i aliyyede müsâfireten sâkinler udûl-i Müslimînden es-Seyyid Mehmed b. es-Seyyid Ahmed el-Cebbârî ve Derviş Ali b. Mahmud el-Havlî nâm kimesneler alâ-tarîkı’ş-şehâde haber vermeleriyle nısf hisse-i mezkûre müteveffâ-i mezbûr es-Seyyid Veliyüddin’in mahlûlünden oğulları mezbûrân es-Seyyid Mehmed ve es-Seyyid Ahmed’e ber-vech-i iştirâk tevcîh ve yedlerine berât-ı şerîf-i âlişân sadaka ve ihsân buyrulmak bâbında istadâ-yı inâyet eyledikleri İstanbul Mahkemesi’nden huzûr-ı âlîlerine i‘lâm olundu.

Fî-11 min Za sene [1]217