İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 523 Hüküm no: 615 Orijinal metin no: [92b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alaiyye’de Şeyh Pîrce Alaaddin Efendi vakfı zaviyedarı Hâfız Mustafa Efendi b. Ömer’in, tevliyeti kendi rızasıyla Seyyid Ali’ye bıraktığı Zâviye tevcîhi berât istid‘âsı Ma‘rûz Alaiye’de vâki‘ Şeyh Pîrce Alâeddin Efendi Vakfı’nın vazîfe-i mu‘ayyene ile nısf-ı hums hisse zâviyedarlığına bâ-işâret-i aliyye ve bâ-berât-ı âlişân mutasarrıf idüğü sikāt-ı Müslimîn ihbârlarıyla zâhir ve mütehakkık olan Hâfız Mustafa Efendi b. Ömer meclis-i şer‘-i münîrde bâ‘isü’l-i‘lâm es-Seyyid Ali b. es-Seyyid Veliyüddin mahzarında bâ-berât-ı âlişân mutasarrıf olduğum nısf-ı hums hisse zâviyedarlık cihetini hüsn-i rızâ ve tayyib-i hatırımla mezbûr es-Seyyid Ali’ye ferağ ve kasr-ı yed ve yedimde olan berâtı kendiye teslîm eylediğimde ol dahi kabûl etmeğin cihet-i mezkûre vazîfe-i mu‘ayyenesiyle fâriğ-i mezbûrun kasr-ı yedinden merkūm es-Seyyid Ali’ye tevcîh ve yedine berât-ı şerîf-i âlişân sadaka ve ihsân buyrulmak bâbında istid‘â eylediği İstanbul Mahkemesi’nden huzûr-ı âlîlerine i‘lâm olundu. Fî-23 min Za sene [1]217