İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 532 Hüküm no: 625 Orijinal metin no: [94b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Peştemâlcioğlu Sahak’ın, alacak davasında Mike ve Astamat ile bedel-i sulh karşılığında anlaştığı Bâ-i‘lâm-ı şer‘î 2.700 guruşdan 1.650 guruşa sulh ve ibrâ Ma‘rûz Hâmiş-i arzuhâlde mastûr i‘lâm-ı şer‘î derûnunda merkūmü’l-ism Peştemâlcioğlu Sahak zimmî meclis-i şer‘-i münîrde medyûnları Sakızlı Mike ve oğlu Astamad zimmîler muvâcehelerinde i‘lâm-ı evvel derûnunda tafsîl olunduğu üzere mersûmân Mike ve Astamad zimmîlerden mahkûmun-bih hakkım olan iki bin yedi yüz guruş mütâlebemden bi’t-tav‘ ve’r-rızâ zimmîyân-ı mesfûrân ile bin altı yüz elli guruşa ba‘de akdi’l-musâlahati ve’l-kabûl bedel-i sulh olan meblağ-ı mezkûr bin altı yüz elli guruşu zimmîyân-ı mersûmân işbu meclis-i şer‘de bana edâ ve teslîm ben dahi yedlerinden bi’t-tamam ve’l-kemâl ahz u kabz ve istîfâ-yı hak edip mâ‘adâya ve bi’l-cümle husûs-ı mezkûra ve hukūk-ı sâire-i şer‘iyyeye müte‘allika âmme-i de‘avîden zimmîyân-ı mersûmânın zimmetlerini kabûlü hâvi ibrâ-i âmm-ı sahîh-i şer‘î ile ibrâ ve iskāt eyledim dedikde onlar dahi tasdîk eyledikleri İstanbul Mahkemesi’nden huzûr-ı âlîlerine i‘lâm olundu. Fî-21 min Za sene [1]217