İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 552 Hüküm no: 646 Orijinal metin no: [99a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgancı Mustafa’nın alacak davasında Yastıkçı Mehmed b. Mehmed ile bedel-i sulh karşılığında anlaştığı 90 guruşdan 50 guruşa sulh Ma‘rûz Yorgânî el-Hâc Mustafa nâm kimesne meclis-i şer‘-i münîrde Yastıkçı Mehmed b. Mehmed mahzarında mezbûr Mehmed zimmetinde cihet-i deyn-i şer‘îden doksan guruş alacak hakkım olmağla taleb ederim deyü tasaddî eylediğim da‘vâmdan bâ-tavassut-ı muslihîn mezbûr Mehmed ile elli guruş bedel-i makbûza sulh olup mâ‘adâsına ve bi’l-cümle husûs-ı mezkûra müte‘allika âmme-i de‘avîden mezbûr Mehmed’in zimmetini ibrâ ve iskāt eyledim dedikde ol dahi tasdîk eylediği İstanbul Mahkemesi’nden huzûr-ı âlîlerine i‘lâm olundu. Fî-27 Şa‘ban sene [1]217