İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 78 Hüküm no: 16 Orijinal metin no: [2a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Başçı Hacı Mahmud b. Hacı Sinan Vakfı mütevelliliğinin Şerife Emine Hatun’a tevcih olunması Tevliyet tevcîhi Ma‘rûz İşbu arzuhâl ve derkenâr nâtık olduğu üzere nezâret-i dâ‘îlerinde âsûde evkāfdan İstanbul’da Avratpazarı nezdinde vâki‘ merhûm Başçı Hacı Mahmud b. Hacı Sinan Vakfı’nın evlâdiyet ve meşrûtiyet üzere mütevelliyesi olan evlâd-ı vâkıfdan Hadice Hatun fevt olmağla sadriye kebîre kızı sâhibe-i arzuhâl evlâd-ı vâkıfdan Şerife Emine bt. es-Seyyid Mehmed Said nâm hatuna nevbet-i tasarruf-ı tevliyet vâlidesi müteveffiye-i mezbûre Hadice Hatun mahlûlünden evlâdiyet ve meşrûtiyet üzere kızı mezbûre Şerife Emine Hatun’a intikāl eylediğini mevsûkü’l- kelim kimesnelerden el-Hâc Mehmed Efendi b. el-Hâc Ahmed ve Mehmed Emin Efendi b. Mustafa ve İmâm Mehmed Efendi b. Mustafa ve İbrahim Odabaşı b. Mustafa nâm kimesneler meclis-i şer‘de ihbâr etmeleriyle tevliyet-i mezkûre vâlidesi müteveffiye-i mezbûrenin intikālinden kızı mezbûre Şerife Emine Hatun’a tevcîh ve yedine berât-ı şerîf-i âlî-şân inâyet ve ihsân buyurulmak iktizâ eylediği İstanbul Mahkemesi’nden huzûr-ı [âlîlerine i‘lâm olundu.] Fî 9 Ş sene 1222.