İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 95 Hüküm no: 34 Orijinal metin no: [4b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İplikçi Esnafı Kethudası Mehmed Emin Efendi ve sair esnaf ileri gelenlerinin Ahmed Beşe ve Hasan Beşe’nin esnaflıktan çıkarılmalarını istemeleri İplikçi esnâfından ihrâç, Ma‘rûz Âsitâne-i sa‘âdet’de iplikçi esnâfının Kethudâsı Mehmed Emin Efendi ve Yiğitbaşı Hasan ve mütevellî Abdi Ağa ve Aşcıbaşı Hasan Ağa ve Hasan Usta ve Hafız Ahmed ve el-Hâc Ali ve Mehmed Salih ve Ebûbekir ve Mahmud ve Hasan ve Mehmed ve diğer Mehmed ve el-Hâc Mehmed ve sâirleri meclis-i şer‘-i enverde esnâf-ı merkūmeden Ahmed Beşe b. Mustafa ve Hasan Beşe b Mustafa mahzarlarında mezbûran kendi hâllerinde olmayıp cemî‘ menâhîyi mürtekib bed-fa‘âl olduklarından kethudâ ve ustalarımıza itâ‘at etmeyip aralık aralık sekrân olup üzerlerimize hücûm ve her birlerimize şütûm-ı galîza ile şetm ve nice nice fesâd ve fezâyihlerinden bir vechile mezbûrândan emîn ve rahatımız meslûb olmuşdur. Mezbûrândan vücûhla hoşnûd ve râzı değilleriz deyü her biri muvâcehelerinde teşekkî ve esnâf-ı merkūmeden ihrâc ve kâr-ı âhara sülûk eylemelerini iltimâs eyledikleri İstanbul Mahkemesi’nden huzûr-ı [âlîlerine i‘lâm olundu.] Fî 21 Ş sene 1222.