İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 125 Hüküm no: 75 Orijinal metin no: [9b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâtib Muslihiddin mahallesi halkının şikâyeti üzerine Esma bt. Mustafa’nın mahalleden taşınmak için taahhütte bulunması Mahalleden hurûc Ma‘rûz İstanbul’da Altımermer kurbünde Kâtib Muslihiddin mahallesi imâmı es-Seyyid Mehmed Tâhir Efendi b. es-Seyyid Ali ve ahâlisinden el-Hâc Mehmed ve Musa Beşe ve Süleyman Beşe ve es-Seyyid Mehmed ve Mehmed Said ve Ali Beşe ve İsmail ve Feyzullah ve sâirleri meclis-i şer‘-i enverde yine mahalle-i mezbûre sâkinelerinden zâtı mu‘arrefe Esma bt. Mustafa nâm hatun mahzarında mezbûre Esma Hatun kendi hâlinde ırzıyla mukayyed olmayıp cemî‘ menhiyâtı mürtekibe ve halî‘u’l-izâr ve bed-zebân olmağla kendüden külliyen emn ü rahatımız meslûb olmuşdur deyü iştikâ ve mahalleden hurûcunu istid‘â eylediklerinde mezbûre Esma Hatun dahi târih-i i‘lâmdan beş gün mürûrunda mahalle-i mezbûreden rızâsıyla hurûc ve mahâll-i âharda sâkine olmağa ta‘ahhüd eylediği İstanbul Mahkemesi’nden huzûr-ı [âlîlerine i‘lâm olundu]. Fî 3 min-Şevvâl sene 1222.