İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 155 Hüküm no: 110 Orijinal metin no: [13b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boyacı Şahinoğulları Bogos ve Minas’ın borçlarını taksitle ödemeleri 57399,5 guruşu taksît Ma‘rûz İstanbul’da Uzunçarşı’da boyacı karşısında dülbendçi Şahinoğulları Bogos ve Minas zimmîlerin dâyinlerinden cihet-i deyn-i şer‘îden üç yüz yirmi üç buçuk guruş iddi‘â eden Çiftçi Abdullah Ağa’nın vekîli-i mürseli Eyüb ve kezâlik cihet-i deyn-i şer‘îden beş bin yüz on dört guruş iddi‘â eden Musullu Ahmed Ağa b. İbrahim ve Sekiz bin guruş iddi‘â eden Musullu Hacı Camo v. Abdullah ve bin iki yüz doksan guruş iddi‘â eden Musullu Çercis v. Yasef ve üç yüz guruş iddi‘â eden Halebli Yasef v. Bogos ve beş yüz on yedi buçuk guruş iddi‘â eden Gavzil v. Manil ve iki yüz sekiz buçuk guruş iddi‘â eden Hoce Karkun v. Karabet ve yüz yirmi yedi guruş iddi‘â eden Abraham v. Mıgırdıç ve iki bin guruş iddi‘â eden Ispartalı es-Seyyid el-Hâc Mehmed Ağa b. Zeynelabidin ve bin altmış guruş iddi‘â eden Çukadâr Mehmed Ağa ve bin altı yüz guruş iddi‘â eden Bozoklu Ahmed Ağa ve bin sekiz yüz guruş iddi‘â eden Boyacı Boğdan v. Todori ve bin guruş iddi‘â eden Boyacı Todori ve bin guruş iddi‘â eden Boyacı Mihal ve bin üç yüz guruş iddi‘â eden Boyacağı Kalodi ve beş yüz guruş iddi‘â eden Boyacı İstemat oğlu Mihal ve bin beş yüz guruş iddi‘â eden Dülbendci Mardıros v. Mıgırdıç ve bin beş yüz guruş iddi‘â eden Tokatlı Ohan v. Davit ve iki yüz guruş iddi‘â eden Sarrâf Mıgırdıç ve iki bin guruş iddi‘â eden Şahin v. Bogos ve üç bin yedi yüz elli guruş iddi‘â eden Nizâm Nasrâniye ve beş yüz guruş iddi‘â eden Derohi bt. Bogos Nasrâniye ve bin dokuz yüz otuz guruş iddi‘â eden Davit v. Serkiz ve iki bin beş yüz guruş iddi‘â eden Aci Avanes ve beş yüz guruş iddi‘â eden Bogasici Hacı Mustafa Ağa ve beş yüz guruş iddi‘â eden Ispartalı Prabyon ve yedi yüz guruş [14a] iddi‘â eden İstefani v. Kiryako ve bin altı yüz guruş iddi‘â eden Dülbendçi Haleblioğlu Ohannes ve bin yüz kırk sekiz guruş iddi‘â eden Frenkoğlu Karabet ve üç bin iki yüz guruş iddi‘â eden Haseki Mustafa Ağa b. Mustafa ve iki yüz elli guruş iddi‘â eden Menahim Yahûdî ve dört bin guruş iddi‘â eden diğer Menahim Yahûdî ve beş bin beş yüz yirmi beş guruş iddi‘â eden Nikoli zimmîler taraflarından vekîlleri Yani v. Lazari nâm kimesne meclis-i şer‘de müvekîllerimiz mezbûrûnun mersûmân Bogos ve Minas zimmîler taraflarından ber-vech-i âtî tasdîka vekîlleri Ahmed Ağa b. Hüseyin mahzarında müvekkillerimiz mezbûrûnun mersûmân zimmetlerinde min-haysü’l-mecmû‘ elli yedi bin üç yüz doksan dokuz buçuk guruş alacakları olup mersûmânın hâlen ve def‘aten edâya iktidârları olmamakla bizler cümlemiz işbu târihden dört sene tamamına değin mersûmetândan rızâmızla mütâlebesini terk ve tehîr edip dört sene tamamında dahi beher üç ay hitâmında üç bin iki yüz kırk dört guruşdan on yedi taksît ile elli beş bin yüz kırk sekiz guruşunu ve üç ay mürûrunda dahi on sekizinci taksîtin iki bin iki yüz elli bir buçuk guruş ki cem‘an elli dört ayda işbu târihden dört sene mürûrundan sonra elli dört ay tamamında tamamen edâ ve teslîm etmek üzere istimhâl etmeleriyle bizler dahi rızâmızla istimhâl ve tehîr eylediğimizde onlar dahi ber-vech-i muharrer edâya ta‘ahhüd eylediler deyü ikrâr ve tasdîkleri tescîl ve İstanbul Mahkemesi’nden huzûr-ı [âlîlerine i‘lâm olundu]. Fî 24 Şevvâl sene 1222.