İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 166 Hüküm no: 120 Orijinal metin no: [16a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sağrıcı esnafının elinde bulunan fermanın yenilenmesi Dürrîzâde Fazîletlü Mehmed Hidayetullah Efendi Hazretlerinin Evvelki İ‘lâm Sicilidir Emir tecdîdi istid‘âsı Ma‘rûz Sâdır olan emr-i âlî[ye] imtisâlen işbu fermân-ı celîlü’ş-şân mutâbık ve tedkīk olundukda mazmûnu sağrıcılar esnâfı at ve katır ve merkeb derilerini iştirâ ve tathîr edip ibâdullâha bey‘le melûf olmalarıyla fî-nefsi’l-emr bu makūle derileri âharı ahz eylediği sûretde esnâf-ı merkūmeye gālî bahâ ile bey‘ etmeleri ibâdullâha mazarratı mûcib bir keyfiyet olmağla tecdîdinde bir gûnâ mahzûr mülâhaza olunmadığı ma‘lûm-ı devletleri buyuruldukda emr-i şerîfin tecdîdi re’y-i âlîye menût idüğü İstanbul Mahkemesi’nden huzûr-ı [âlîlerine i‘lâm olundu]. Fî 2 Zilka‘de sene 1222.