İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 180 Hüküm no: 139 Orijinal metin no: [18a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih Beşe’nin kahve dükkânı gediği satışından dolayı Zahari v. Aftem aleyhindeki alacak iddiasından men olunduğu 50 guruş men‘ Ma‘rûz Âsitâne-i aliyye’de Sultan Bâyezid’de sâkin Salih Beşe b. Mustafa meclis-i şer‘de Zahari v. Aftem muvâcehesinde bundan akdem ben işbu Zahari’ye Sultan Bâyezid’de kâin bir bâb kahve dükkânı derûnunda gedik ta‘bîr olunur âlât-ı lâzımemi iki bin guruşa bey‘ edip bin dokuz yüz guruşunu ahz ve mâ‘adâ elli guruşu mesfûr Zaharya zimmetinde kalmağla meblağ-ı merkūmu taleb ederim deyü da‘vâ ol dahi cevâbında zikr olunan gediği ancak bin dokuz yüz elli guruşa iştirâ edip âmme-i da‘vâdan beni ibrâ eyledi deyü müdde‘âsına muvâfık bir kıt‘a hüccet ibrâz ve mazmûn-ı hücceti merkūm Salih Beşe ikrâr ü i‘tirâfıyla şer‘an meblağ-ı mezbûr elli [guruşu] mesfûr Zahari’den lâzım gelmeyip men‘ olunduğu İstanbul Mahkemesi’nden huzûr-ı âlîlerine i‘lâm [olundu.] Fî 23 Ra sene 1222.