İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 183 Hüküm no: 142 Orijinal metin no: [18b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dâyehatun Mahallesi imamı Hacı Hafız İbrahim Efendi ve ahalisinin mahalle sakinlerinden Emine Hatun’un mahalleden ihracını istedikleri Mahalleden ihrâc Ma‘rûz İstanbul’da Demirkapı kurbünde Dâye Hatun mahallesi imâmı el-Hâc Hafız İbrahim Efendi ve Müezzin Süleyman Efendi ile ahâlisinden Hafız Hüseyin Efendi ve es-Seyyid Mustafa Efendi ve es-Seyyid Osman Ağa ve Hâssa hasekilerinden Ahmed Ağa ve Sofalı? Mehmed Ağa ve Ebûbekir Ağa ve Mehmed Ağa ve Bostânî Mehmed Ağa ve sâirleri meclis-i şer‘-i münîrde kozbekçilerinden Mustafa Ağa hâzır olduğu hâlde zevcesi Emine bt. Ahmed nâm hatun muvâcehesinde mezbûre Emine Hatun mahallemiz sükkânından olup lâkin kendü hâlinde olmayıp cümlemize itâle-i lisân ve her birimize gûnâ-gûn elfâz-ı kabîha ile muvâcehemizde şetm ve esvâkdan güzer eden kimesnelere menzili penceresinden şütûm-ı galîza ile şetm ve menzilinde âdetden muhâlif tütsüler yakıp ihrâk havfından ve sâir harekât-ı nâ-marzıyesinden emn ü rahatımız külliyen meslûb olup ve zevci hâzır-ı merkūmun dahi zabt u rabtı kābil olmadığından bir vechile mezbûre Emine Hatun’dan hoşnûd ve râzı değilleriz deyü muvâcehesinde teşekkî ve mezbûrenin mahalle-i mezbûreden hurûcunu cümlesi bi’l-ittifâk istid‘â ve istirhâm eyledikleri İstanbul Mahkemesi’nden huzûr-ı [âlîlerine i‘lâm olundu]. Fî 26 Za sene 1222.