İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 206 Hüküm no: 172 Orijinal metin no: [22a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ordu-yı hümayun için gerekli olan çadır fırınların tertib ve tedarik edilerek orduya gönderilmeleri Ordu-yı hümâyûna fırın tertîbi Ma‘rûz İşbu hengâm-ı nusret-irtisâmda ihrâc irâde buyurulan ordu-yı hümâyûn-ı zafer makrûn [müre]ttebâtından olan habbâzân hıyâmının cânib-i mîrîden her bir haymeye i‘tâsı mu‘tâd olan dokuz yüz guruş i‘tâsıyla doksan fırın i‘tibârıyla otuz aded hıyâmın bir kadem akdem kadîmî üzere tanzîm ve ihrâcı bâbında bu dâ‘îlerine izzetlü Seymanbaşı Ağa kullarına hitâben bâlâsı tuğrâ-yı garrâ ile müveşşah şeref-bahş-ı sudûr olan fermân-ı âlî-şâna imtisâlen kapan nâibi müderrisîn-i kirâmdan fazîletlü Osman Kâmil Efendi hâzır olduğu hâlde ekmekçiler kethudâsı ve bi’l-cümle habbâzânın nizâm ustaları ve müsinn ü ihtiyâr söz sâhibleri meclis-i şer‘a getirilip müfâd-ı fermân-ı âlî lede’l-kırâe herbirlerine ifâde ve tefhîm olundukda her birileri merâsim-i mutâva‘atı yerine getirip can ve baş ile Ermeni tâifesinden usta ve neferât bulunup tertîb ederiz deyü ta‘ahhüd etdiklerinden sonra def‘a-i sânîde meclis-i şer‘de bi’l-cümle nizâm ustaları hâzır oldukları hâlde üç hayme ile sene-i sâbıkāda ekmekçibaşı olan mersûm usta Vartan v. Sahak zimmî kemâ-kân ekmekçibaşı nasb ü ta‘yîn ve bir hayme ile Haçador v. Kalos ve şerîki Haçik v. Bogos zimmîler usta ve İsmail Ağa ve ekmekçibaşı-yı mersûm Vartan zimmî kefîl alınıp ve bir hayme ile Simaven v. Haçador ve şerîki Avanes v. Adam zimmîler usta ve Vartan ve Mendik zimmîler kefîl alınıp ve bir hayme ile Yuvan v. Todori ve Vasil v. Nikigos zimmîler usta ve Melkon ve Avanes zimmîler kefîl alınıp ve bir hayme ile Mikâil v. Arakil ve şerîki Arakil v. Lorik zimmîler usta ve Kormos ve Bogos zimmîler kefîl alınıp ve bir hayme ile Yuvan v. Azağdan ve şerîki Yanko v. Marko zimmîler usta ve Çukurçeşmeli Ömer Ağa ve Adem Beşe kefîl alınıp ve bir hayme ile Vican v. Yanço ve şerîki Petro v. Yuvan zimmîler usta ve Dörtyolağızlı Ömer Ağa ve Usta Ağya zimmî kefîl alınıp ve bir hayme ile Danyal v. Arotin ve şerîki Avanes v. Morsis zimmîler usta ve Derviş Ağa ve Bedirzâde İsmail Ağa kefîl olunup ve bir hayme ile Goro v. Sidenko ve şerîki Yani v. Vilyo zimmîler usta ve Alemdar Ali Ağa ve Hacı Hasan Ağa kefîl alınıp ve bir hayme ile Yuvan v. Miso ve şerîki karındaşı Panço v. mersûm Miso zimmîler usta ve Alacahamamlı İsmail Ağa ve Nazım Ağa kefîl alınıp ve bir hayme ile Franço v. Vab ve şerîki Yanko v. Tranço zimmîler usta ve Ayasofyalı Kadri Ağa ve Nazım Ağa kefîl alınıp ve bir hayme ile Davit v. Artin ve şerîki Babik v. Davit zimmîler Usta ve Rakis ve Vartan zimmîler kefîl alınıp ve bir hayme ile Mardıros v. Agob ve şerîki Mıgırdıç v. Haçik zimmîler usta ve Kazi Yoran ile usta Ohan zimmî kefîl alınıp ve bir hayme ile Vasil v. Yuvan ve şerîki İstanko v. Manko zimmîler usta ve Ömer Ağa ve Avadik Usta kefîl alınıp ve bir hayme ile Artin v. Avanes ve şerîki Bogos v. Kirkor zimmîler usta ve Vâlideli İsmail Ağa ve Usta Ohan zimmî kefîl alınıp ve bir hayme ile Serkiz v. Avadis ve şerîki Margos v. Toros zimmîler Usta ve Manik ve Vartan zimmîler kefîl alınıp ve bir hayme ile Arakil v. Marik ve şerîki Mikâil v. Arakil zimmîler usta ve Kolos ve Bogos zimmîler kefîl alınıp ve bir hayme ile Arakil v. Kirkor ve şerîki Bogos v. Simyon zimmîler Usta ve kethudâ-yı mezbûr Mustafa Ağa ve Manik zimmî kefîl alınıp ve bir hayme ile Manas v. Artin ve şerîki Hanparsum v. Margos zimmîler usta ve Magdisi Bogos ve Kirkor zimmîler kefîl alınıp ve bir hayme ile Piyo v. Milos ve şerîki Karaca v. Vato zimmîler Usta ve Uncular kethudâsı es-Seyyid Mustafa Ağa ve Yeniçeşmeli Ömer kefîl alınıp ve bir hayme ile Arakil v. Mardıros ve şerîki Avanes v. Arakil zimmîler usta ve Kosta ve Ziron zimmîler kefîl alınıp ve bir hayme ile Agob v. Avanes ve şerîki Koz v. Serkiz zimmîler usta ve Kastan v. Haçador zimmîler kefîl alınıp ve bir hayme ile Riksad v. Bedros ve şerîki Agob v. Kiragos zimmîler usta ve Cican ve Yaşar zimmîler kefîl alınıp ve bir hayme ile Manas v. Babik ve şerîki Mardıros v. Simaven zimmîler Usta ve İsmail Ağa ve Morsis zimmî kefil alınıp ve bir hayme ile Rado v. Nikos ve şerîki Mano v. Kolo zimmîler Usta ve Mehmed Ağa Câmi‘li Derviş Ağa ve Salih Ağa kefîl alınıp ve bir hayme ile Karabüber v. Kirkor ve şerîki Agob v. Ohannes zimmîler usta ve Karabet ve Ağya zimmîler kefîl alınıp ve bir hayme ile Mikâil v. Arakil ve şerîki Yoseb v. Kirkor zimmîler usta ve Kalos ve Arakil zimmîler kefîl alınıp ve bir hayme ile Markar v. Bogos ve şerîki Minas v. Mardıros zimmîler usta ve Babacan ve Nikigos zimmîler kefîl alınıp tertîb ve tanzîm ve bu vechile küfelâya rabt olunup eğer içlerinden biri firâr veyâhûd hilâf-ı rızâ hareket eder ise Âsitâne’de olan küfelâsı cümle ma‘rifetiyle ahz ve tedîbât-ı lâyıkası icrâsına cümlesi râzılarız deyü ta‘ahhüd ve küfelâsına bi’l-cümle nizâm ustaları olan Vâlideli İsmail Ağa ve Bedirzâde İsmail Ağa ve Nazım Ağa ve Çukurçeşmeli Ömer Ağa ve Azablarlı Alemdar Ali Ağa ve Dikilitaşlı Fazlı Ağa nâm kimesneler ile Hasekili Haçok ve Burunsuzoğlu Agob ve Mandik ve Üsküdarlı Bogos ve Beşiktaşlı Ağya ve Babacan nâm altı nefer Müslim ve altı nefer zimmîler dahi tekeffül etmeleriyle vech-i meşrûh üzere bâ-fermân-ı âlî otuz aded hıyâmın doksan fırın i‘tibârıyla cânib-i mîrîden beher haymeye mu‘tâd olan dokuzar yüz guruş ahz birle beynlerinde iktisâm edip hıyâmlarını tanzîm ve ordu-yı hümâyûn’a azîmete cümlesi müte‘ahhid olup lâkin mebâliğ-i mezkûreyi cânib-i mîrîden kabz eylediklerinde kabzlarını müş‘ir hüccet-i şer‘iye i‘tâsı iktizâ eylediği İstanbul Mahkemesi’nden huzûr-ı âlîlerine i‘lâm olundu. Fî 2 min-Muharrem sene 1223.