İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 211 Hüküm no: 177 Orijinal metin no: [22b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemesi hususunda Hüseyin Ağa’ya tenbihte bulunulması 210 guruş hüküm Ma‘rûz Mahrûse-i Galata’da mütemekkin Gabril v. Sahak nâm zimmî meclis-i şer‘-i hatîrde Hüseyin Ağa b. Mehmed nâm kimesne muvâcehesinde mezbûr Hüseyin Ağa zimmetinde bundan akdem yedimden ve malımdan iştirâ ve kabz eylediği aded ve fiyâtı beynimizde ma‘lûm havlu ve peştemâl semenlerinden iki yüz on guruş alacak hakkım olmağla meblağ-ı merkūmu mezbûr Hüseyin Ağa’dan taleb ederim deyü da‘vâ ol dahi ber-vech-i muharrer ikrâr ü i‘tirâf etmeğin alâ-mûcebi i‘tirâfihî meblağ-ı merkūm iki yüz on guruşun müdde‘î-i mesfûr Gabril zimmîye edâsıyla mezbûr Hüseyin Ağa ilzâm olunduğu İstanbul Mahkemesi’nden huzûr-ı âlîlerine i‘lâm olundu. Fî 5 min-Zilhicceti’ş-şerîfe sene 1222.