İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 260 Hüküm no: 229 Orijinal metin no: [30a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’nın, Osman Beşe aleyhindeki alacak davasında anlaşma sağlanması 550 guruşa sulh Ma‘rûz Hâssa hasekilerinden sâhib-i arzuhâl Mehmed Ağa b. Abdurrahman nâm kimesne meclis-i şer‘-i münîrde derûn-ı arzuhâlde mezkûrü’l-ism Osman Beşe b. Süleyman nâm kimesne muvâcehesinde mezbûr Osman Beşe zimmetlerinde bundan [akdem] yedimden ve malımdan iştirâ ve kabz eylediği ecnâs ve fiyâtı beynimizde ma‘lûm kereste semeninden bin üç yüz guruş alacak hakkım olmağla hâlâ taleb ederim deyü tasaddî eylediğim da‘vâmdan bâ-vesâtet-i muslihîn mezbûr Osman Beşe ile bi’t-tav‘ ve’r-rızâ işbu elli guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ bin üç yüz guruşa varınca ziyâdesi olan yedi yüz elli guruşa ve bi’l-cümle husûs-ı mezkûra ve sâir cemî‘ hukūk-ı şer‘iyeye müte‘allika mutlakan âmme-i de‘âvî ve kâffe-i mütâlebâtdan mezbûr Osman Beşe’nin zimmetini şurût-ı müfsideden ârî ve uhûd-ı mubtıladan berî ibrâ-yı âmm-ı sahîh-i şer‘î ve iskāt-ı tamm-ı sarîh-i mer‘î ile kabûlü hâvî ibrâ ve iskāt eyledim dedikde mukırr-ı mudde‘î-i mezbûr Mehmed Ağa’nın bi’l-cümle takrîr-i meşrûhunu merkūm Osman Beşe tasdîk ve ibrâdan müstağnî bedel-i sulh-ı merkūm beş yüz elli guruş zimmetinde müdde‘î-i mezbûra sahîhan deyni olduğunu bi-tamamihi tâyi‘an ve kat‘iyyen ikrâr ü i‘tirâf etmeğin alâ-mûcibi i‘tirâfihî bedel-i sulh-ı merkūm beş yüz elli guruşun müdde‘î-i mezbûr Mehmed Ağa’ya edâ ve teslîmiyle merkūm Osman Beşe ilzâm olunduğu İstanbul Mahkemesi’nden huzûr-ı [âlîlerine i‘lâm olundu.] Fî 14 S sene 1223.