İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 267 Hüküm no: 237 Orijinal metin no: [31a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaz Ömer Ağa’nın Memiko ve kardeşi Londazi aleyhindeki köle davasından vazgeçmesi Gulâm mâddesi Ma‘rûz Derûn-ı arzuhâlde mezkûrü’l-ism Canbaz Ömer Ağa b. Ahmed nâm kimesne Çarşamba günü dîvân-ı âlîde ma‘kūd meclis-i şer‘-i münîrde kazzâz esnâfından sâhib-i arzuhâl Memiko ve karındaşı Londazi veledey Kato nâm zimmîler muvâcehelerinde rıkkını bana mu‘terif olup yedimde abd-i memlûküm olan Sırbiyyü’l-asl ma‘lûmü’l-vasf Esper nâm bir re’s gulâmım zimmîyân-ı mersûmânın iğvâ ve tahrîkleriyle firâr ve gaybet-i munkatı‘a ile gāib ve mefkūd olmağla gulâm-ı merkūmu bulup bana teslîme zimmîyân-ı mesfûrâna tenbîh olunmak matlûbumdur deyü tasaddî eylediğim da‘vâ-yı mezkûrumdan meccânen fâriğ olup bi’l-cümle husûs-ı mezkûru vukūf-ı sâire-i şer‘iyeye müte‘allika âmme-i da‘vâdan mersûmân Memiko ve Londazi zimmîlerin zimmetlerini ibrâ-yı âmm-ı sahîh-i şer‘î ile kabûllerini hâvî ibrâ ve iskāt eyledim deyü ikrâr ve tasdîkleri İstanbul Mahkemesi’nden huzûr-ı [âlîlerine i‘lâm olundu.] Fî 17 S sene 1223