İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 267 Hüküm no: 238 Orijinal metin no: [31a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahipsiz fırın gedikleriyle ilgili kanun Fırın Ma‘rûz “Keyfiyet ve iktizâsını i‘lâm eyleyesin” deyü sâdır olan emr-i âlîlerine imtisâlen Habbâzân kethudâsı ve nizâm ustaları ve tüccârdan çend neferleri meclis-i şer‘-i münîre celb ve husûs-ı mezkûr kendülerden li-ecli’l-istikşâf istintâk olunduklarında fırın-ı mezkûrda ashâb-ı gediğin cânib-i mîrîye olan düyûnu işbu arzuhâl hâmişinde mukayyed ve mastûr olan derkenârda müstebân ve Bahr-ı siyâh ve Bahr-ı sefîd tücârının dahi külliyetli alacak hakları olduğunu ve el-yevm ashâb-ı gedik-i mezbûrdan ferd-i vâhid mevcûd olmadığını ba‘de’l-ifâde mâl-ı mîrî akdemce ve mâl-i tüccârı ba‘de’l-edâ gedik-i merkūmu kurb ve civârında bir münâsib mahalle nakl ile ashâb-ı emlâkın mülkleri yedlerine teslîm olması re’y-i âlîlerine menût olduğunu haber verdikleri İstanbul Mahkemesi’nden huzûr-ı [âlîlerine i‘lâm olundu.] Fî 25 S sene 1223.