İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 287 Hüküm no: 256 Orijinal metin no: [34b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostantin v. Nikola’nın Manol v. Dimitri aleyhindeki alacak davasında anlaşma sağlanması 252 guruşa sulh Ma‘rûz Kostantin v. Nikola nâm zimmî meclis-i şer‘-i hatîrde Manol v. Dimitri nâm zimmî muvâcehesinde mersûm Manol zimmî zimmetinde cihet-i karzdan üç yüz elli guruş ile malımdan ve yedimden iştirâ ve kabz eylediği fiyâtı beynimizde ma‘lûm bir çuka biniş ve bir entari semenlerinden dahi yüz kırk beş guruş ki cem‘an dört yüz doksan beş guruşdan bâkī üç yüz elli beş guruş alacak hakkım olmağla meblağ-ı bâkī-i merkūmu mersûm Manol zimmîden taleb ederim deyü tasaddî eylediğim da‘vâmdan bâ-vesâtet-i muslihîn mersûm Manol zimmî ile bi’t-tav‘ ve’r-rızâ iki yüz elli iki guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ müte‘allika da‘vâdan mersûm Manol zimmînin zimmetini kabûlünü hâvî ibrâ ve iskāt eyledim dediğini mersûm Manol zimmî tasdîk ve ibrâdan müstağnî bedel-i sulh-ı merkūm iki yüz elli guruş zimmetinde müdde‘î-i mesfûra sahîhan deyni olduğunu bi-tamamihi tâyi‘an ve kat‘iyyen ikrâr ü i‘tirâf etmeğin alâ-mûcibi i‘tirâfihî bedel-i sulh-ı merkūm iki yüz elli iki guruşun müdde‘î-i mesfûr Kostantin zimmîye edâ ve teslîme mersûm Manol zimmî ilzâm olunduğu İstanbul Mahkemesi’nden huzûr-ı [âlîlerine i‘lâm olundu.] Fî 2 Rebî‘ülevvel sene 1223.