İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 289 Hüküm no: 258 Orijinal metin no: [34b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Yazıcı’nın Manol v. Angeli aleyhindeki alacak iddiasını ispat edememesi 155 guruş men‘ Ma‘rûz Kapan-ı dakīk yazıcılarından Hasan Yazıcı b. Mustafa meclis-i şer‘-i münîrde habbâz tâifesinden Manol v. Angeli nâm zimmî muvâcehesinde mersûm Manol zimmî zimmetinde bundan akdem yedimden ve malımdan iştirâ ve kabz eylediği keyl ve fiyâtı beynimizde ma‘lûm hınta semeninden ba‘de külli’l-hesâb sahhu’l-bâkī yüz elli beş guruş alacak hakkım olmağla meblağ-ı merkūmu mersûm Manol zimmîden taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mersûm Manol zimmî bi’l-muvâcehe ber-nehc-i şer‘î tahlîf olunmağın mûcebince müdde‘î-i mezbûr Hasan Yazıcı da‘vâ-yı mezkûresiyle mesfûr Manol zimmîye bilâ-beyyine mu‘ârazadan men‘ olunduğu İstanbul Mahkemesi’nden huzûr-ı [âlîlerine i‘lâm olundu.] Fî-gurreti Ra sene 1223.