İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 301 Hüküm no: 270 Orijinal metin no: [36b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mardıros v. Anparsun’a olan borcunu ödemesi ve malını rehinden kurtarması hususunda Ohan v. İstefan’a tenbih olunması 190 guruş hükm Ma‘rûz Sarrâf tâifesinden arzuhâl eden Mardıros v. Anparsun nâm zimmî meclis-i şer‘-i hatîrde derûn-ı arzuhâlde mersûmü’l-ism Ohan v. İstefan nâm zimmî muvâcehesinde benim mersûm Ohannes zimmî zimmetinde cihet-i karzdan yüz doksan guruş alacak hakkım olmağla mersûm Ohan zimmî meblağ-ı merkūm mukābelesinde malından bir sîm devâtını yedime rehin vaz‘ ve teslîm etmekle hâlâ meblağ-ı merkūmu edâ birle rehn-i mezkûru fek ve tahlîse mersûm Ohan zimmîye tenbîh olunmak matlûbumdur deyü da‘vâ etdikde ol dahi cevâbında ber-vech-i muharrer ikrâr ü i‘tirâf etmeğin alâ-mûcibi i‘tirâfihî meblağ-ı merkūm yüz doksan guruşu müdde‘î-i mesfûr Mardıros zimmîye edâ ve teslîm birle rehn-i mezkûru fek ve tahlîse mesfûr Ohan zimmîye tenbîh olunduğu İstanbul Mahkemesi’nden huzûr-ı [âlîlerine i‘lâm olundu.] Fî 7 Ra sene 1223.