İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 302 Hüküm no: 273 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yağkapanı tüccarından İsmail Ağa’nın ortağı Molla Ali’de olan alacağının tahsil olunması 754 guruş hüküm Ma‘rûz Sâhib-i arzuhâl Galata Yağkapanı tüccârından İsmail Ağa b. Ömer meclis-i şer‘-i münîrde şerîki derûn-ı arzuhâlde mezkûrü’l-ism Molla Ali b. Hasan nâm kimesne muvâcehesinde mahrûse-i mezbûre Yağkapanı Nâzırı es-Seyyid Ali Ağa ve tüccârından el-Hâc Kara Mehmed Ağa ve Molla Ahmed ve Yaladımzâde? Memiş Ağa ve Kırımî Osman Yazıcı ve Ketânî Hasan ve sâirleri hâzır oldukları hâlde ben mezbûr Molla Ali ile ve fâide-i hâsıla beynimizde beraber olmak üzere yağcılık ticâretinde şerîkler olup bu def‘a tüccâr-ı hâzırûn-ı mezbûrûn ma‘rifetiyle hesâbımızı rü’yet eylediğimizde ancak zimemâtdan ve mâl-ı şirketimizden mezbûr Molla Ali bin beş yüz sekiz guruş tahsîl ve ahz ü kabz ve umûruna sarfla istihlâk etmekle benim nısf hisseme isâbet eden yedi yüz elli dört guruşu mezbûr Molla Ali’den taleb ederim deyü tüccâr-ı hâzırûn-ı mezbûrûnun tasdîkleriyle da‘vâ etdikde ol dahi cevâbında kaziyye minvâl-i meşrûh üzere olduğunu bi-tamamihi tâyi‘an ve kat‘iyyen ikrâr ü i‘tirâf etmeğin alâ-mûcebi i‘tirâfihî meblağ-ı merkūm yedi yüz elli dört guruşun müdde‘î-i mezbûr İsmail Ağa’ya edâsıyla merkūm Molla Ali ilzâm olunduğu İstanbul Mahkemesi’nden huzûr-ı [âlîlerine i‘lâm olundu.] Fî 9 Ra sene 1223.