İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 325 Hüküm no: 302 Orijinal metin no: [40b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Bey mahallesi sakinlerinden Habibe’nin mahalleden ihracı talebi Mahalle’den ihrâc Ma‘rûz İstanbul’da Mustafa Bey mahallesi İmâmı Mehmed Efendi ve Müezzin İbrahim Efendi ve ahâlisinden Hafız İsmail Efendi ve Hafız Osman Efendi ve Haseki mütekā‘idlerinden Sarrâc Mehmed Ağa ve Devâtçılar Kethudâsı İbrahim Ağa ve Feyzi? Odabaşı ve es-Seyyid Hasan Odabaşı ve Veliyüddin Odabaşı ve İsmail Odabaşı ve Mehmed İzzet Ağa ve es-Seyyid Hasan Ağa ve Mehmed Emin Ağa ve Kıbracı Süleyman Ağa ve sâirleri meclis-i şer‘-i münîrde mahalle-i mezbûre sâkinelerinden derûn-ı arzuhâlde mezkûretü’l-ism zâtı mu‘arrefe Habibe bt. Ali nâm hatun muvâcehesinde mezbûre Habibe Hatun mahalle-i mezbûre sâkinelerinden olup lâkin dil-âzâr ve hadîdetü’l-lisân olmağla cümleten şütûm-ı galîza ile muvâcehemizde şetm ile bizleri dâimâ ta‘cîz ve tekdîrden hâlî olmamağla ol-vechile kendüden hoşnûd ve râzı değilleriz deyü her biri muvâcehesinde ihbâr ve mahalle-i mezbûreden hurûcunu iltimâs eyledikleri İstanbul Mahkemesi’nden huzûr-ı [âlîlerine i‘lâm olundu.] Fî 29 Ra sene 1223.