İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 335 Hüküm no: 313 Orijinal metin no: [42b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İzmir’de Değirmenci Kostanti’nin dükkânında un satmasına uncu esnafı tarafından engel olunmaması Dakīk fürûht Ma‘rûz Sâdır olan fermân-ı âlîlerine imtisâlen medîne-i İzmir kādısı es-Seyyid Cafer Fevzi Efendi dâ‘îlerinin mührü mutâbık bir kıt‘a i‘lâmına ve hâmişinde mastûr derkenâra nazar olundukda Değirmenci Kostanti nâm zimmî medîne-i mezbûrede değirmen ve fırın ile ta‘ayyüş ve peksimâd tabh ve dakīk fürûhtla ticâret eder iken medîne-i mezbûrede vâki‘ uncu esnâfı mümâna‘at üzere olmalarıyla men‘ ü def‘i bâbında emr-i şerîf sudûrunu istid‘â etmekle bu sûretde mersûm Kostanti zimmî hırfet-i mezkûreden hâriç olmayıp cümlesi bir san‘atdan ve değirmenci tâifesinden olmağla emsâli misillü dükkânında dakīk füruht eylemesi şer‘-i şerîfe ve nizâm-ı esnâfa mugāyir olmayıp istid‘âsı üzere emir ısdârı re’y-i âlîlerine menût idüğü İstanbul Mahkemesi’nden huzûr-ı [âlîlerine i‘lâm olundu]. Fî 9 Rebî‘ülâhir sene 1223.