İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 336 Hüküm no: 314 Orijinal metin no: [42b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin ve kız kardeşi Tefarik’in Sulumanastır Kilisesi Avarız vakfından olan menzil hisselerini Takohi’ye kiraya vermeleri Menzil İcârı Ma‘rûz Sâhibey-i arzuhâl Artin zimmî ve kız karındaşı şahsını mu‘arrefe Tefarik Nasrâniye meclis-i şer‘-i münîrde üveyi anaları derûn-ı arzuhâlde mersûmetü’l-ism kezâlik şahsı mu‘arrefe Takohi bt. ( ) nâm Nasrâniye muvâcehesinde İstanbul kādıları fazîletlü efendiler nezâretlerinde âsûde evkāfdan İstanbul’da Abdi Subaşı mahallesinde vâki‘ Sulumanastır kilisesi avârızı vakfı musakkafâtından İstanbul’da Sancakdâr Hayreddin mahallesinde kâin beher şehr otuz akçe icâreli bir bâb menzil hâmiş-i arzuhâlde mastûr derkenâr nâtık olduğu üzere babamız olup bundan akdem hâlik olan Gabril v. Bedros zimmînin sağlığında ile’l-helâk bi’l-icâreteyn taht-ı tasarrufunda olup ba‘de helâkihî menzil-i mezkûr şer‘le âhar evlâdı Agob zimmî ve Terazine Nasrâniye’ye âdiyen intikāl edip lâkin menzil-i mezkûrda zevce-i mesfûre Takohi Nasrâniye evlâdı mesfûrân Agob zimmî ve Terazine Nasrâniye ile ma‘an mütemekkine olmağla biz dahi menzil-i mezkûrda olan birer rub‘dan iki rub‘ hissemizi işbu târih-i i‘lâmdan beher şehr altışar guruşdan on iki guruşa mersûme Takohi Nasrâniyeye îcâr ve teslîm eylediğimizde ol dahi ber-vech-i muharrer istîcâr ve kabûl ve icâre-i mezkûreyi mâh be-mâh bize edâ ve teslîme ta‘ahhüd eyledi deyü ikrâr ve tasdîkleri İstanbul Mahkemesi’nden huzûr-ı [âlîlerine i‘lâm olundu]. Fî 3 Rebî‘ülâhir sene 1223.