İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 337 Hüküm no: 316 Orijinal metin no: [42b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Devatçı esnafının kethudası İbrahim Ağa ve sairlerinin Abdullah b. Ali’nin esnaflıktan ihracını taleb etmeleri İşbu i‘lâm kaydında sehiv vâki‘ olmağla sahîhi ikinci varaka kayd olunmuşdur. (Mühür) < <<Âsitâne-i aliyye’de vâki‘ Devâtçı esnâfının kethudâsı İbrahim Ağa ve yiğitbaşısı Mahmud Usta ve ihtiyârlarından İsmail usta ve İbrahim Usta ve Halil Usta ve Ahmed Usta ve sâir bi’l-cümle devâtçı esnâfı meclis-i şer‘-i münîrde yine esnâf-ı merkūmeden Abdullah b. Ali nâm kimesne muvâcehesinde mezbûr Abdullah esnâfımızdan olup lâkin kendi hâlinde ırzıyla mukayyed ve kâr ü kisbiyle meşgūl olmayıp müfsid ve muharrik ve dâimâ esnâfımız beyninde düstûrü’l-amel olan şurût-ı nizâm-ı mer‘iyemizin ihtilâline bâ‘is hâlât-ı reddiyeye tasaddî etmekle ol-vechile kendüden hoşnûd ve râzı değilleriz deyü muvâcehesinde teşekkî ve esnâf-ı merkūmeden hurûcunu iltimâs eyledikleri İstanbul Mahkemesi’nden huzûr-ı [alilerine i‘lâm olundu].>> <>