İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 344 Hüküm no: 323 Orijinal metin no: [44a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed’in dükkânını boşaltmaları hususunda kiracıları Ali ve oğlu Mehmed’e tenbihte bulunulması Kazgancı Dükkânını tahliye ve teslîme tenbîh Ma‘rûz Âsitâne-i aliyye’de vâki‘ zeytinyağcı esnâfından es-Seyyid Mehmed b. Halil meclis-i şer‘de kazgancı esnâfından olup zikri câî bir bâb kazgancı dükkânında müstecirleri Ali b. Ali [ve] oğlu Mehmed muvâcehelerinde İstanbul’da Ayazma kapısı dahilinde kâin bi’l-icâreteyn mutasarrıf olduğum bir bâb kazgancı dükkânımda mezbûrân Ali ve Mehmed beher şehr dörder guruş icâre tesmiyesiyle müstecirlerim olmağla işbu târih-i i‘lâmdan bir buçuk mâh mukaddem Saferi’l-hayr gurresinden fesh-i akd-i icâre etmemle dükkân-ı mezkûru tahliye birle bana teslîme tenbîh olunmak murâdımdır deyü ba‘de’d-da‘vâ ve’l-istintâk merkūmân Ali ve Mehmed cevâblarında minvâl-i meşrûh üzere olduğunu ikrâr ve i‘tirâf el-hâletü hâzihî dükkân-ı mezkûrda gediğimiz vardır deyü yedlerinde gedik olmasına dâir Başmuhâsebe’den ve gayrı mahâlde gedik kaydı olarak bir senedleri olmadığından mâ‘adâ olmadığını dahi mukırr u mu‘terif olmalarıyla mûcebiyle dükkân-ı mezkûru tahliye birle müdde‘î-i mezbûr es-Seyyid Mehmed’e teslîme mezbûrân Ali ve Mehmed’in her birine tenbîh olunduğu İstanbul Mahkemesi’nden huzûr-ı [âlîlerine i‘lâm olundu]. Fî 15 Rebî‘ülâhir sene 1223.