İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 348 Hüküm no: 328 Orijinal metin no: [44b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Devatçı Esnafı Kethudası İbrahim Ağa ve sair esnaftan bazı kişilerin Seyyid Osman’ın esnaflıktan çıkarılmasını istemeleri Devâtçı Esnâfından ihrâç Ma‘rûz Âsitâne-i aliyye’de vâki‘ Devâtçı esnâfının kethudâsı İbrahim Ağa ve yiğitbaşısı Mahmud Usta ve ihtiyârlarından İsmail Usta ve İbrahim Usta ve Halil Usta ve Ahmed Usta ve Abdullah Usta ve sâir bi’l-cümle devâtçı esnâfı meclis-i şer‘-i münîrde yine esnâf-ı merkūmeden es-Seyyid Osman b. Mustafa nâm kimesne muvâcehesinde mezbûr es-Seyyid Osman esnâfımızdan olup lâkin kendi hâlinde ırzıyla mukayyed olmayıp kâr ü kisbiyle meşgūl olmadığından mâ‘adâ müfsid ve muharrik ve dâimâ esnâfımız beyninde düstûrü’l-amel olan şurût-ı nizâm-ı mer‘iyemizin ihtilâline bâ‘is hâlât-ı reddiyeye tasaddî etmekle ol-vechile kendüden hoşnûd ve râzı değilleriz deyü muvâcehesinde teşekkî ve esnâf-ı merkūmeden hurûcunu iltimâs eylediği İstanbul Mahkemesi’nden huzûr-ı [âlîlerine i‘lâm olundu]. Fî 27 Rebî‘ülevvel sene 1223.