İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 368 Hüküm no: 351 Orijinal metin no: [48a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri v. Vesko’nun Anton v. Kiryako’da olan alacağını tecil etmesi Tecîl Ma‘rûz Arzuhâl eden Dimitri v. Vesko nâm zimmî meclis-i şer‘-i hatîrde derûn-ı arzuhâlde mersûmü’l-ism Anton v. Kiryako nâm zimmî muvâcehesinde benim mersûm Anton zimmî zimmetinde cihet-i karzdan altı yüz yetmiş beş guruş alacak hakkım olmağla meblağ-ı merkūmun ancak iki yüz yetmiş beş guruşu mutâlebesine müte‘allika da‘vâdan mersûm Anton zimmînin zimmetini kabûlü hâvî ibrâ ve iskāt edip bâkīsi olan dört yüz guruşu dahi mersûm Anton zimmînin hâlen ve def‘aten bir vechile edâya iktidârı olmadığına binâen ber-vech-i âtî istimhâl eylediğinde ben dahi meblağ-ı bâkī-i merkūmu şehr-i âtî Cumâdelûlâ guresinde beher şehr bana onar guruş verip mecmû‘unu kırk ay tamamına değin tamamen edâ ve îfâ etmek üzere rızâmla imhâl ve tehîr eyledim dedikde, mukırr-ı müdde‘î-i mesfûrun bi’l-cümle takrîr-i meşrûhunu mesfûr Anton zimmî tahkīk ve tasdîk ve meblağ-ı bâkī-i merkūm dört yüz guruş zimmetinde müdde‘î-i mesfûra sahîhan deyni olduğunu ikrâr ü i‘tirâf ve ber-vech-i muharrer edâya ta‘ahhüd edip bu vechile kat‘-ı nizâ‘ eyledikleri İstanbul Mahkemesi’nden huzûr-ı [âlîlerine i‘lâm olundu]. Fî 26 Rebî‘ülâhir sene 1223.