İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 382 Hüküm no: 368 Orijinal metin no: [50a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Noksan gramajlı ekmek satan Kirkor’un küreğe konulması Küreğe vaz‘ olunması bâbında Ma‘rûz İstanbul’da Tokmak Fırın destgâhdârı olup el-yevm zindanda mahbûs olan Kirkor nâm zimmî tabh eylediği nân-ı azîzi narh-ı cârîsinden on beşer dirhem noksân-ı fâhiş ile işlediğinden mâ‘adâ nümûneye tatbîkan esmerü’l-levn olup ol-vechile ibâdullâha bey‘e ictisâr ve hilâf-ı fermân-ı âlî hareket birle ibâdullâhı ızrâr etdiği için zimmî-yi mersûmun te’dibi lâzım gelmeğin ibreten li’s-sâirîn mersûm Kirkor zimmî ıslâh-ı nefs edinceye değin vaz‘-ı kürek olunmak bâbında fermân-ı âli sudûru re’y-i rezîn-i âsafânelerine menût olduğu İstanbul Mahkemesi’nden huzûr-ı [âlîlerine i‘lâm olundu]. Fî 6 Ca sene 1223.