İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 398 Hüküm no: 383 Orijinal metin no: [53a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha bt. Mustafa’nın damadı Molla Mustafa’da olan alacağının tahsil olunması 400 guruş edâsıyla ilzâm Ma‘rûz Sâhibe-i arzuhâl mu‘arrefetü’z-zât Şerife Zeliha Hatun bt. es-Seyyid Mustafa meclis-i şer‘-i münîrde dâmâdı derûn-ı arzuhâlde mezkûrü’l-ism Molla Mustafa b. Mehmed Emin nâm kimesne muvâcehesinde mezbûr Molla Mustafa zimmetinde cihet-i karzdan dört yüz guruş alacak hakkım olmağla meblağ-ı merkūmu dâmâdım mezbûrdan hâlâ taleb ederim deyü da‘vâ, ol dahi ber-vech-i muharrer ikrâr ü i‘tirâf etmeğin alâ-mûcibi i‘tirâfihî meblağ-ı merkūm dört yüz guruşun müdde‘iye-i mezbûre Şerife Zeliha Hatun’a edâsıyla mezbûr Molla Mustafa ilzâm olunduğu İstanbul Mahkemesi’nden huzûr-ı [âlîlerine i‘lâm olundu]. Fî 11 Ca sene 1223.