İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 401 Hüküm no: 386 Orijinal metin no: [53b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Niğdeli Tagoroğlu Aci Aslan’ın Orosyos ve vefat eden babası Papa Yuvan aleyhindeki alacak iddiasında anlaşma sağlanması 150 guruşa sulh Ma‘rûz Niğdeli Tagoroğlu Aci Aslan v. Dimyat nâm zimmî meclis-i şer‘-i hatîrde Niğde sancağında Bor kasabası ahâlisinden Orosyos zimmî muvâcehesinde benim mersûm Orosyos zimmî ile babası olup bundan akdem hâlik olan Papa Yuvan v. Aci Anton zimmî zimmetlerinde her biri âharın zimmetine lâzım gelen meblağa tarafeynden bi’l-emr ve’l-kabûl kefîl ve zâmin olarak yedimden ve malımdan iştirâken iştirâ ve kabz eyledikleri vezn ve fiyâtı beynimizde ma‘lûm kazzâz metâ‘ı semeninden bin yüz elli guruş alacak hakkım olmağla meblağ-ı merkūm dokuz yüz guruşu bana edâ ve teslîm, ben dahi yedlerinden ahz ü kabz etmemle bâkīsi olan iki yüz elli guruş ve meblağ-ı merkūmun bâ-devr-i şer‘î ribhi olan elli guruş ki cem‘an üç yüz guruşu mersûm Orosyos zimmîden asâlet ve kefâletine binâen hâlâ taleb ederim deyü tasaddî eylediğim da‘vâ-yı mezkûremden bâ-vesâtet-i muslihîn mersûm Orosyos zimmî ile bi’t-tav‘ ve’r-rızâ yüz elli guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâdesi olan yüz elli guruşa ve bi’l-cümle husûs-ı mezkûra ve sâire müte‘allika âmme-i de‘âvîden mersûm Orosyos zimmî ile babası hâlik-i mesfûrun âhar veresesi zevcesi Eleni ve kebîre kızı Katerina ve sagīre kızları Kiryakiye ve Mavroni’den her birinin zimmetlerini ibrâ-yı âmm-ı sahîh-i şer‘î ile kabûllerini hâvî ibrâ ve iskāt eyledim dediğini mersûm Orosyo zimmî tasdîk ve ibrâdan müstesnâ bedel-i sulh-ı merkūm yüz elli guruş zimmetinde müdde‘î-i mesfûra sahîhan deyni olduğunu bi-tamamihi tâyi‘an ve kat‘iyyen ikrâr ü i‘tirâf etmeğin alâ-mûcibi i‘tirâfihî bedel-i sulh-ı merkūm yüz elli guruşun müdde‘î-i mesfûr Aci Aslan zimmîye bi-hükmi’l-asâle ve’l-kefâle edâ ve teslîmiyle mesfûr Orosyos zimmî ilzâm olunduğu İstanbul Mahkemesi’nden huzûr-ı [âlîlerine i‘lâm olundu]. Fî 15 Ca sene 1223.